50K doses ng Sputnik V maaantala ang pagdating
MANILA, Philippines — Sinabi ni National Task Force (NTF) Against Covid-19 chief implementer at vaccine czar Secretary Carlito Galvez Jr., na maaantala ang pagdating sa bansa ng 50,000 doses ng SputnikV na gawa sa Russia.
Anya, nakatanggap ng isang sulat ang NTF Vaccine Cluster mula sa Russian Direct Investment Fund (RDIF) noong Hunyo 20 na nagsasabing ipagpapaliban sa ibang araw ang delivery ng Sputnik V Component II dahil sa upgrading ng bakuna.
Sinabi ni Galvez na ang ang parating na 50,000 doses ay para sa mga nakatanggap ng Component 1 sa nitong Hunyo.
Tiniyak naman ni presidential spokesperson Harry Roque na hindi maapektuhan ang bisa ng bakuna kahit pa ma-delay ang pagbibigay ng ikalawang dose ng Sputnik V.
Idinagdag pa ni Roque na mas mataas pa ang efficacy kung matagal ang period ng unang dose sa ikalawang dose.
- Latest
