Batas kailangan para maging mandatoryo ang pagbakuna
Banta ni Duterte na ipapaaresto ang ayaw magpabakuna…
MANILA, Philippines — Sinabi ni Presidential Spokesperson na maaaring hilingin ng Malacañang sa Kongreso na magpasa ng batas para sa mandatoryong pagpapabakuna ng mga mamamayan laban sa COVID-19 at kung ano ang katapat na parusa para sa mga tatanggi.
“Kinakailangan ng batas para po ma-require itong mandatory vaccination at yung ipapataw na parusa doon sa ayaw magpabakuna. So madali naman pong i-request ‘yan sa Kongreso dahil alam naman po ng Kongreso rin ang importansya nitong pagbabakuna,” ani Roque.
Una nang inihayag ni Pangulong Rodrigo Duterte na ipapaaresto niya ang mga mamamayan na tatangging magpabakuna.
Pero, sinabi rin ni Roque na sana ay hindi na umabot sa punto na kailangan pang parusahan ang mga tatanggi sa bakuna.
Ipinagtanggol din ni Roque ang Pangulo sa kanyang banta na ipapakulong ang mga ayaw magpabakuna dahil mayroon aniyang “police power” ang gobyerno para maprotektahan ang kaligtasan ng lahat.
Ipinunto pa ni Roque na sa ngayon na hindi pa sapat ang suplay ng bakuna kaya hinihikayat pa lang ang lahat ng magpaturok.
- Latest