Kasunduan sa 40 milyong COVID-19 vaccine doses sa Pfizer nilagdaan na

MANILA, Philippines — Nilagdaan na ng Pilipinas ang kasunduan sa US drugmaker Pfizer para sa 40 milyong dose ng bakuna kontra coronavirus disease (COVID-19).

“We are very happy to report that the government and the management of Pfizer have finally concluded our negotiations. Secretary Duque and I signed yesterday the supply agreement for the biggest and most decisive deal we had for 2021,” ayon kay vaccine czar Secretary Carlito Galvez Jr.

Ang kasunduan ay pinondohan sa pamamagitan ng multilateral arrangement sa Asian Development Bank (ADB).

Sa huling tala, 133 mil­yong dose na ang nabili ng bansa mula sa limang manufacturers.

Kasalukuyan pang nasa negosasyon ang tinata­yang 16 milyong dose mula Novavax at Johnson & Johnson.