Sunog sa Navotas: 1 patay
MANILA, Philippines — Isa ang naiulat na nasawi habang nasa 169 pamilya ang nawalan ng tirahan sa naganap na sunog sa isang residential area sa Navotas City, kahapon ng umaga.
Sa ulat ng Navotas City Bureau of Fire Protection (BFP), alas-7:30 ng umaga nang sumiklab ang apoy sa isang residentential area sa Brgy. San Rafael Village (SRV).
Mabilis na kumalat ang apoy sa magkakadikit na mga kabahayan na pawang gawa sa lights materials kaya’t agad itinaas ng BFP sa ikalawang alarma ang sunog.
Dakong alas-9:00 ng umaga nang idineklarang fireout na kung saan napaulat na isang Madel Santos, 50 ang nasawi.
Patuloy ang imbestigasyon ng BFP upang matukoy ang pinagmulan ng sunog.
- Latest