PNP babantayan ang ‘cashless vote buying’
MANILA, Philippines — Nakatakdang makipagpulong ang Philippine National Police (PNP) sa mga government agencies para sa mekanismo o safeguards upang masawata ang vote buying ngayong 2022 elections sa pamamagitan ng cashless transactions.
Sinabi ni PNP chief, Gen. Guillermo Eleazar, ngayong mas marami ang gumamit ng online cash transfer o cashless transactions, hindi imposible na maging talamak din ang bentahan ng boto online.
Ayon pa kay Eleazar na ngayong pandemic, ay posibleng maraming pulitiko ang hikayatin ang mga botante na ibenta ang kanilang mga boto.
Aniya, laganap ang vote buying sa bansa na tinawag umano ni Pangulong Rodrigo Duterte na “integral part of elections”. Kadalasang umaabot sa P500 ang binabayad kada botante.
Bagama’t inamin ni Eleazar na malaking hamon sa kanila na imonitor ang vote buying activities ngayong 2022 election, sinabi nito na malaking tulong ang pagkakaroon ng safeguards o mga regulasyon.
- Latest
