Moreno suportado ng Manilenyo
MANILA, Philippines — Tiniyak ni Don Ramon Bagatsing na kung ano man ang magiging desisyon ni Manila Mayor Isko Moreno ngayong nalalapit na ang eleksiyon sa bansa kung tatakbo ito sa mataas na posisyon o mayor pa rin ay suportado ito ng taga-Maynila.
Tiwala si Bagatsing na anuman ang takbuhang posisyon ni Moreno sa eleksiyon ay magiging mabuti itong public servant at magseserbisyo ito ng buo at tapat para sa ikabubuti ng mga mamamayan. “Maraming options si Yorme. He is in a good spot. Dalawang taon na siyang walang tulog, nakita naming mga Manilenyo ang laban niya kontra Covid. Where he intends to go, Manila will follow,” ayon kay Bagatsing.
Natutuwa ang Manilenyo kay Isko kahit sa gitna ng pandemya ay tuluy-tuloy pa rin sa pagbibigay ng serbisyo.
Umugong ang mga balitang hindi na tatapusin ni Moreno ang kanyang tatlong termino bilang alkalde ng Maynila at papalaot ito sa national position o sa presidential race.
- Latest