2 timbog sa P13.6 milyong shabu sa Taguig
MANILA, Philippines — Nakumpiska ng mga tauhan ng Philippine National Police (PNP) at Philippine Drug Enforcement Agency (PDEA) ang nasa P13.6 milyong halaga ng shabu sa isinagawang buy-bust operation kamakalawa ng hapon sa Taguig City.
Kinilala ang mga suspect na sina Melanie Capin, 35, ng San Marino Subdivision, Brgy. Salawag, Dasmariñas, Cavite at Jeffrey Sadiasa, 31, ng Carnation St., T. S. Cruz Subdivision, Las Piñas City.
Ang dalawa ay agad na inaresto matapos na bentahan ng shabu ang poseur buyer na pulis sa parking lot ng Sunshine Mall sa FTI, ARCA South, Taguig City.
Nakuha sa mga suspek ang 2 kilo ng hinihinalang shabu na tinatayang nagkakahalaga ng P13.6 milyon.
Narekober din ang 16 na bundle ng “boodle money” na may kasamang isang analog phone.
Kakasuhan ng paglabag sa Republic Act 9165 or the Comprehensive Dangerous Drugs Act of 2002.
- Latest
