‘Pure campaign joke’ pagpunta sa Spratly Islands gamit ang jet ski — Duterte
MANILA, Philippines — “Pure campaign joke”.
Ito ang pag-amin ni Pangulong Rodrigo Duterte na isa sa kaniyang ipinangako noong 2016 na pupunta siya sa Spratly Islands gamit ang jet ski at maglalagay ng bandila ng Pilipinas.
“Panahon [ng] kampanya ‘yan. At saka ‘yung biro na ‘yun… ‘yung bravado ko, it was a pure campaign joke. At kung naniniwala kayo sa kabila, pati na rin si Carpio, I would say you are really stupid,” pahayag ng Pangulo sa kaniyang public address.
Ayon sa Punong Ehekutibo, pinaplano niyang ituloy ang naturang pangako at bumili pa aniya siya ng segunda manong jet ski ngunit hanggang ngayon, hindi pa aniya dumarating.
Punto pa ng Pangulo, mawawalan siya ng gasolina at hindi nito kakayanin ang malalaking alon kung itutuloy ang nasabing plano.
“Sige, maghanap ka ng tao dito magpunta ng jet ski. Aabot pa ng ilang oras, I would conk out in the middle of the sea,” saad ng Pangulo.
Inamin din nito na natakot siyang mamatay dahil hindi siya marunong lumangoy sakaling lumubog ang jet ski bunsod ng malalaking alon.
“Sabi ko, mahirap ito. Sabihin ko na lang balang-araw na inabot ako ng takot. Wala akong magawa. Takot akong mamatay,” ani Duterte.
Dagdag pa nito, “Alam ba ninyo na hindi ako marunong maglangoy? Eh kung matumba yang yawa na ‘yan, magkakapa- kapa na ako. By this time, I would’ve been the late Rodrigo Duterte.”
Related video:
- Latest
