Eleazar wawalisin ang scalawags sa PNP
MANILA, Philippines — Upang maibalik ang tiwala, dignidad at maresolba ang problema sa loob ng Philippine National Police, ipatutupad ng bagong talagang PNP chief na si Gen. Guillermo Eleazar ang intensified cleanliness policy (ICP) kabilang ang pagwalis sa mga police scalawags sa loob ng ahensiya.
Sa kanyang assumption speech, sinabi ni Eleazar na kailangan na kailangan ng PNP ang ICP na kinabibilangan ng Intensified Cleanliness Policy in the Offices, Intensified Cleanliness Policy in the Ranks, at Intensified Cleanliness Policy in the Community.
Sa ilalim ng ICP in the Offices, titiyakin niyang ang lahat ng presinto at police stations ay malinis at presentable habang tututukan naman ang paglilinis ng mga scalawags at reporma sa proyektong PNP ang ICP in the Ranks. Ang peace and order sa buong bansa ang prayoridad ng ICP in the Community na kinabibilangan ng street crimes, illegal drugs, communist insurgency at terrorism, cybercrime at maging ang COVID-19 crisis.
- Latest