6 biyahero mula India, positibo sa COVID-19
6 pa pinaghahanap
MANILA, Philippines — Anim na biyahero na nagmula sa India na nagawang makabiyahe sa Pilipinas bago pa man ipatupad ang “travel ban” habang anim pa ang pinaghahanap ngayon ng pamahalaan, ayon sa Department of Health (DOH).
Sinabi ni Health Undersecretary Maria Rosario Vergeire na 110 biyahero mula sa India ang sumailalim sa COVID-19 testing at anim sa kanila ang nagpositibo sa virus. Isinumite na sa Philippine Genome Center ang kanilang mga samples para isailalim sa “whole genome sequencing”.
Tinutukoy pa naman ng pamahalaan kung nasaan na ang anim pang biyahero na dumating din sa bansa ngunit hindi naisailalim sa testing.
Matatandaan na ipinatupad ng pamahalaan ang travel ban sa mga biyahero na galing ng India o kaya may travel history nitong Abril 29 at magtatapos sa Mayo 14. Ito ay upang maiwasan ang pagpasok sa bansa ng sinasabing Indian variant na higit umanong mabagsik o delikado.
- Latest
