Community pantries ‘wag pulitikahin
MANILA, Philippines — “Huwag gamitin sa pamumulitika ang nagsulputang community pantries sa bansa.”
Ito ang apela ni Senador Win Gatchalian sa mga lokal at iba pang opisyal ng gobyerno partikular sa Department of Interior and Local Government (DILG).
Sinabi ni Gatchalian na dapat pang itaguyod ang ganitong gawain upang makahikayat pa ng partisipasyon ng pribadong sektor.
Sa kanyang pananaw, sinabi ni Gatchalian na pinausbong ng community pantry ang makabagong bayanihan spirit sa mga Pilipino at ipinakita nito ang pagkakaroon ng disiplina ng mga benepisyaryo sa gitna ng kinakaharap na pandemya sanhi ng COVID-19.
Ayon pa sa senador, mas maiging manghikayat na lang ng mga donasyon o mga potensyal na donors sa community pantries upang masiguro na magtutuluy-tuloy ito habang may mga kinakapos at nangangailangan ng pang-araw-araw na food supply sa Kamaynilaan at iba pang lugar sa buong bansa.
- Latest