Mga ayaw magpabakuna, hambog! — Duterte
MANILA, Philippines — Minura at tinawag pang hambog ni Pangulong Rodrigo Duterte ang mga mamamayan na ayaw magpabakuna laban sa COVID-19.
Sa kanyang Talk to the People kamakalawa ng gabi, sinabi ni Duterte na “mamatay na ng limang beses” ang mga tumatanggi sa bakuna na posibleng ilang beses na makahawa kapag tinamaan ng COVID-19.
“If I were to talk to you in the gutter language, sabihin ko sa iyo, ‘p***** i** mo, mamatay ka na kung gusto mo limang beses, ang problema ang mahawa mo,” ani Duterte.
Tinawag din ni Duterte na hambog ang mga tumatanggi sa bakuna.
“May mga iba diyan na ayaw talaga magpabakuna, eh ‘di okay na lang ‘yan sa akin. Ang problema kung makahawa ka. The problem with being a bravado, ‘yang hambog, sabihin mo ‘eh ayaw ko kasi hindi naman ako naniniwala diyan,” ani Duterte.
Una rito, sinabi ni Duterte na okay lang sa kanya kung mayroon talagang ayaw magpabakuna na hindi naniniwala na mahahawa sila ng virus.
- Latest