Marami pa ang mamamatay — Duterte
Dahil sa kakulangan ng bakuna
MANILA, Philippines — Dahil sa kakulangan ng suplay ng bakuna laban sa COVID-19, nagbabala si Pangulong Rodrigo Duterte na marami pa ang mamamatay.
Ayon kay Duterte, matagal pa ang pandemya at hindi lang niya maituro kung sino ang mga susunod na mamamatay.
“Matagal pa ito. Sabihin ko sa iyo marami pang mamamatay dito. Hindi ko lang maturo kung sino,” ani Duterte sa kanyang Talk to the People kamakalawa ng gabi.
Binanggit din ni Duterte ang patuloy na paghihintay ng gobyerno sa bakuna na “unavailable” dahil sa kakulangan ng suplay sa buong mundo.
“Now ngayon hintay tayo nang hintay. Itong vaccine na itong pinag-usapan natin ganito, wala sana ito kung mayroong vaccine available. Eh wala. Hanggang ngayon the word “unavailable” is nandiyan. Unavailable because there are not --- there’s no sufficient supply to inoculate the world,” ani Duterte.
- Latest
