Pinakamataas na bilang ng health workers na tinamaan ng COVID-19, naitala
MANILA, Philippines — Sa loob ng anim na buwan ay nakapagtala ang Department of Health (DOH) ng pinakamataas na datos mula Abril 4 hanggang Abril 10 ng 399 bagong kaso ng impeksyon ng COVID-19 sa mga health workers na patuloy na nakikipaglaban sa virus.
Sa nasabing bilang, 170 ang nars, 53 ang doktor, at 22 ang medical technologists.
Nadagdagan din ng apat ang bilang ng nasawing health worker.
Hanggang nitong Abril 11, umabot na sa 16,510 na health worker ang tinamaan ng COVID-19. Ang 86 dito ang nasawi habang 628 pa ang kasalukuyang ginagamot.
Mild cases naman ang mayorya (73.7%) ng naitatalang kaso sa hanay ng medical professionals, habang 21.7% ang asymptomatic, 1.3% ang may moderate symptoms, 2.1% ang may severe symptoms at 1.3% ang nasa critical condition.
- Latest
