DFA maghahain muli ng diplomatic protest vs China sa isyu sa WPS
MANILA, Philippines — Muling maghahain ng diplomatic protest ang Department of Foreign Affairs sa China ukol sa pananatili ng nasa 200 barko nito sa West Philippine Sea.
“Changing my policy of acting only on NTF requests @DFAPHL FIRE A DIPLOMATIC PROTEST NOW,” batay sa isang tweet ni Foreign Affairs Secretary Teodoro Locsin Jr.
Ito ay matapos iulat ng National Task Force on the West Philippine Sea (NTF-WPS) na nananatili ang mga barko ng China sa iba’t ibang parte ng WPS kung saan tatlo sa mga ito ay warships.
Nakita rin ang dalawang barko ng People’s Liberation Army Navy sa Bajo de Masinloc.
“All these warships of the PLA Navy contribute to the militarization of the area,” pahayag ng task force.
Giit pa ng NTF-WPS na hindi lamang banta sa seguridad ang pananatili ng mga barko ng China pati na rin sa mga lamang-dagat ng bansa.
Pinatawag na rin ng DFA ang ambassador ng China upang pag-usapan ang patuloy na presensya ng mga barko nito sa karagatan ng Pilipinas. - Doris Franche
- Latest
