Sputnik V puwedeng gamitin sa seniors

MANILA, Philippines — Sinabi ni Vaccine czar, Sec. Carlito Galvez na maaaring gamitin sa mga senior citizens ang bakuna na gawa ng Sputnik V kapalit ng AstraZeneca.

“Pwede po siyang gamitin po sa elderly, so from 18 and above. So ‘yun po ang gagamitin namin at ‘yun po ang maganda dahil at least in the absence of AstraZe­neca, ‘yun po ang pwede namin pong gamitin,” ani Galvez.

Binigyan na ng Food and Drug Administration (FDA) ng emergency use authorization ang Sputnik V at nasa 20 milyong doses ang inaasahang darating sa Pilipinas sa mga susunod na buwan.

Idinagdag ni Galvez na patuloy pa rin ang negosasyon at malalagdaan ang supply agreement ngayong linggo at posibleng maidedeliber sa bansa ang bakuna sa itinakdang panahon.