194K doses ng Moderna vaccine, darating sa Mayo
MANILA, Philippines — Nakatakdang dumating sa buwan ng Mayo ang nasa 194,000 doses ng bakuna na gawa ng Moderna.
Ito ang sinabi ni vaccine czar Secretary Carlito Galvez Jr., at mayroon ng kasunduan ang gobyerno at World Bank para sa pagbabayad nang bibilhing bakuna.
Nasa 13 milyong doses ng Moderna vaccine ang ang inorder ng gobyerno at ng pribadong sektor.
Anya, tiniyak sa kanila ng pribadong sektor na susunod ito sa prioritization sa pagbibigay ng bakuna base sa inilatag ng National Immunization Technical Advisory Group.
Inihayag naman ni Food and Drug Administration Director General Eric Domingo na mag-aaplay ang Moderna para sa emergency use authorization ngayong week.
Una nang nabigyan ng FDA ng EUA ang Pfizer, AstraZeneca, Sinovac, at Gamaleya Institute.
- Latest
