Galing Mexico… FDA nagbabala sa pekeng COVID-19 vaccine
MANILA, Philippines — Nagbabala at inalerto ng Food and Drug Administration(FDA)Philippines ang publiko at medical health professionaLs laban sa isang uri ng ‘falsified’ na bakuna laban sa coronavirus disease 2019 (COVID-19) na natukoy na ginagamit sa Mexico na posibleng ilegal na makapasok sa bansa.
Sa FDA Advisory No. 2021-0681, binalaan ang publiko laban sa paggamit ng “BNT16b2” na itinuring na ‘falsified’ ng World Health Organization (WHO) kamakailan matapos matuklasang mali at hindi totoo ang nakalagay sa label ng gamot.
Nakalagay sa label na COVID-19 Vaccine BNT16b2 na may expiration date na Aug. 24 (walang year kung kailang mae-expire); manufacturer na Pfizer BIONTECH; at packaging language sa English.
Kamakailan lang kinumpirma ng WHO na ang bakuna ay hindi produkto ng Pfizer at falsified din ang batch at expiry date ng nasabing bakuna na nadetect na itinuturok sa Mexico na hindi sakop ng authorized vaccination programs.
Ayon pa sa FDA, ang authentic COVID-19 vaccine BNT12b2 ay bakuna laban sa COVID-19 sa mga indibiduwal na may edad 16 pataas.
- Latest