Mga kaso ng COVID-19 sa Metro Manila, asahang bababa

Dahil sa MECQ…

MANILA, Philippines — Inaasahang magpatuloy ang pagbaba ng kaso ng coronavirus disease (COVID-19) sa implementasyon ng modified enhanced community quarantine (MECQ) sa Metro Manila.

“Yan ‘yung inaasahan natin na dire-diretsong pagbaba. By next week baka nasa downward trend na tayo hopefully, or next next week,” ayon kay Dr. Guido David ng OCTA Research.

Aniya,maaaring bumababa ng 7,000 ang kaso kada araw mula sa 10,000 dahil sa 1.24 ang reproduction number sa kasalukuyan at kung bababa sa 1 ay  nagpapakita na ang reproduction ng COVID-19 cases ay pababa na.

Simula kahapon (Abril 12 ) hanggang Abril 30 isinailalim sa MECQ ang Metro Manila Bulacan, Cavite, Laguna, at Rizal.