Frontliners pinapurihan ni PRRD sa Araw ng Kagitingan

MANILA, Philippines — Binigyang-pugay at kinilala ni Pangulong Rodrigo Roa Duterte ang frontliners sa paggunita kahapon ng Araw ng Kagitingan.

Sa naging mensahe ng Pangulo, sinabi nito na ang ginagawa ngayon ng frontliners ay repleksiyon ng kabayanihang ipinamalas ng mga mandirigma noon sa Bataan.

Aniya, marapat lang na kilalanin ang lakas ng loob at dedikasyon ng frontli­ners na walang pagod na humaharap sa mga hamon at peligro ng pandemya.

Kasabay nitoy kinilala rin ng Commander in Chief ang sakripisyo ng mga sundalo na naki­paglaban para sa kalayaan ng bayan.

Ang araw na ito ayon sa Pangulo ay isang paalala aniya tungkol sa determinasyon ng mga Pinoy na kahit anong pagdaanang pagsubok ay tiyak ding malalampasan nating mga Pilipino.