VP Leni namahagi ng tulong sa Iloilo
MANILA, Philippines — Bilang bahagi ng patuloy na pagbibigay ng tulong sa gitna ng COVID-19 pandemic ay personal na binisita ni Vice President Leni Robredo ang dalawa sa mga Community Learning Hubs na sinimulan ng kaniyang opisina sa bayan ng Tigbauan at Sta. Barbara sa Iloilo.
Idiniin ni Robredo ang kahalagahan ng pagtatayo ng mga CLH para punan ang mga isyu’t kakulangan na hinaharap ng mga estudyante sa distance learning sa gitna ng pandemya.
Bumisita rin si Robredo sa bayan ng San Joaquin, at nakausap ang mga residente ng Brgy. Crossing Dapuyan na nakatanggap ng tulong para sa pagpapatayo ng maayos na palikuran.
Tumungo rin si Robredo sa Oton at Cabatuan para bisitahin ang mga magsasaka na natulungan sa pamamagitan ng Angat Buhay program ng kaniyang Tanggapan.
Bumisita rin si Robredo sa Iloilo City para personal na tingnan ang konstruksyon ng COVID-19 Laboratory ng lungsod at huli ay probinsya sa Mandurriao, Iloilo City, at nakipagpulong sa mga convenors ng Ahon Laylayan Koalisyon.
- Latest