Mga bagong ‘mild COVID-19 cases’ i-confine na
MANILA, Philippines — Upang maiwasang humantong sa “critical level” ang mga pagamutan ngayong pagtaas ng mga bagong kaso ay inirerekomenda ni Department of Health Undersecretary at treatment czar Dr. Leopoldo Vega na ipa-confine sa mga “isolation facilities” ang mga bagong “mild cases” ng COVID-19.
Ang hakbang na ito ay nang mamonitor ang pagtaas ng COVID-19 admissions sa mga ospital sa Metro Manila maging sa Cagayan Valley at Central Visayas.
Pero, agad din nilinaw ni Vega na nasa “moderate risk level” pa rin ang kapasidad ng mga pampubliko at pribadong ospital sa naturang mga rehiyon.
Idinagdag pa nito na importante rin na mapalakas pa ang “biosurveillance” lalo na sa mga nagbabalik sa mga probinsya makaraan ang pagkakatuklas ng South African, United Kingdom at iba pang mutation variants ng COVID-19 sa bansa.
Kailangan na rin umanong magbago ng ugali ng mga Pilipino na hanggang hindi dinadapuan ng sakit ay magpapabaya sa kanilang seguridad.
- Latest