Pangulong Duterte sa mga Pinoy: Magpabakuna kayo!
MANILA, Philippines — Hinikayat mismo ni Pangulong Rodrigo Duterte ang mga Pinoy na magpabakuna sa lalong madaling panahon.
Ito ang isa sa sinabi ng Pangulo sa kanyang talumpati matapos salubungin ang shipment ng bakuna na gawa ng AstraZeneca.
“On this note, I would like to appeal to all our kababayans: Please get vaccinated against COVID-19 and be the government’s partner in preventing further spread of the disease,” ani Duterte.
Sinabi rin ng Pangulo na ligtas ang mga bakuna at ito ang susi sa pagbubukas ng lipunan.
Muling inulit ng Pangulo na habang hinihintay ang bakuna ay dapat ipagpatuloy ang pagsunod sa mga health at safety protocols.
Idinagdag ng Pangulo na bagaman at hindi pa nalalampasan ang problema na dala ng COVID-19, mayroon namang progreso at tiyak na malalampasan ang pandemya kung magtutulungan ang lahat.
Pinasalamatan din ni Duterte ang World Health Organization at mga bansa na nag-donate ng 487,200 dozes ng AstraZeneca.
- Latest
