Face to face classes posibleng ikonsidera ni Duterte
Kapag umabot na sa 2 milyon ang nabakunahan...
MANILA, Philippines — Kapag umabot na sa 2 milyon ang nabakunahan laban sa COVID-19 ay maaaring ikonsidera ni Pangulong Rodrigo Duterte ang pagbabalik ng face-to-face classes.
Ito ang sinabi ni Cabinet Secretary Karlo Nograles sa ginanap na meeting ng Gabinete noong Miyerkules, dahil nais ng pangulo na magkaroon ng malawakang bakuna bago payagan ang limitadong face-to-face na klase at mas luwagan ang mga lugar na nasa ilalim ng general community quarantine kabilang ang Metro Manila.
Inaasahan namang aabot lang ng 300,000 indibiduwal ang mabibigyan ng dalawang doses ng bakuna mula sa 600,000 doses na donasyon ng Sinovac Biotech mula sa China.
Matatandaan na dalawang beses nang kinontra ni Duterte ang panukala na magkaroon ng limitadong face-to-face classes sa mga lugar na mababa ang kaso ng COVID-19 at hindi rin pinagbigyan ang rekomendasyon ng Inter-Agency Task Force na ilagay sa modified general community quarantine ang Metro Manila ngayong Marso.
- Latest