Mga ayaw magpabakuna igagalang ang desisyon — Duterte
MANILA, Philippines — “Kung may mga mamamayan na ayaw magpaturok ng bakuna laban sa COVID-19 ay walang problema sa akin.”
Ito ang naging pahayag ni Pangulong Rodrigo Duterte matapos dumating sa bansa ang unang shipment ng Sinovac vaccine na donasyon ng China.
Sinabi ng Pangulo na dapat ikonsidera ang kalayaan ng bawat indibiduwal at kung ano ang mangyayari sa kanyang katawan.
Pero, aminado ang Pangulo na mas magiging mahirap para sa gobyerno na masugpo ang problema ng COVID-19 dahil sa mga mamamayan na ayaw magpabakuna.
Plano ng gobyerno na mabakunahan ang nasa 70 milyong Pilipino ngayong taon upang makamit ang tinatawag na “herd immunity.”
“Herd immunity is a science… As a layman, herd immunity is achieved only kung ‘yong nakapalibot sa iyo nabakunahan na,” paliwanag pa ng Pangulo.
- Latest
