Metro Manila, 9 pang lugar GCQ pa rin sa Marso
MANILA, Philippines — Ipaiiral pa rin ang general community quarantine (GCQ) sa Metro Manila at sa 9 pang lugar sa bansa sa buong buwan ng Marso.
Ayon kay Presidential Spokesperson Harry Roque, bukod sa National Capital Region, ipatutupad ang GCQ sa Apayao, Baguio City, Kalinga, Mt. Province, Batangas, Tacloban City, Iligan City, Davao City, at Lanao del Sur.
Maliban sa mga nabanggit na lugar, iiral sa buong bansa ang mas maluwag na modified general community quarantine (MGCQ).
Nauna rito, hindi kinatigan ni Pangulong Rodrigo Duterte ang panukala na ilagay na sa MGCQ ang buong Pilipinas.
Nanindigan ang Pangulo na kailangang magsimula mula ang pagbabakuna laban sa COVID-19 bago ilagay ang buong bansa sa mas maluwag na MGCQ upang matiyak na mapapabagal ang pagkalat ng impeksiyon.
- Latest
