Duterte sasalubungin ang pagdating ng Sinovac

MANILA, Philippines — Sina Pangulong Rodrigo Duterte at Sen.Bong Go ang personal na sasalubong sa 600,000 doses ng Covid-19 vaccine na gawa ng Sinovac ng China.

Ayon kay Go, chairman ng Senate committee on Health, ito ang unang batch ng mga donasyon ng China sa Pilipinas.

Aabot sa 100,000 doses ang ilalaan para sa sundalo at sibilyan na empleyado ng Department of National Defense.

“Darating na sa February 28. I think 5:00 p.m. po ay tatanggapin ni Pangulong Duterte,” pahayag ng Senador.

Ayon kay Go, ang Ve­terans Memorial Medical Center ang mangunguna sa pagbabakuna.

“I think sila po ang mamumuno sa ituturok po sa sundalo o civilian employees ng DND,” pahayag ni Go.