Mga tarpolina ng ‘Run Sara Run’, nagkalat sa Metro Manila
MANILA, Philippines — Nagkalat ang mga banner at tarpaulin sa iba’t ibang lansangan sa Metro Manila na humihikayat kay Davao City Mayor Sara Duterte na kumandidatong Pangulo ng bansa sa 2022 Presidential election.
Sa kahabaan ng Edsa kanto ng East Avenue sa Quezon City, makikita sa mga footbridge ang tarpaulin na may nakasulat na “Run Sara Run” na ikinabit ng mga nagpakilalang grupo na RSR NCR.
Meron din sa footbridge ng Quezon Avenue kanto ng Delta, Quezon Avenue, kanto ng Capitol Medical Center, Edsa Cubao at Tutuban Center sa Maynila.
Bagama’t, una nang sinabi ng alkalde na hindi siya kakandidato sa 2022 elections, positibo pa rin ang pananaw ng RSR NCR na tutugon si Mayor Sara Duterte sa lumalakas na panawagang tanggapin nito ang hamon na tumakbong Pangulo kapalit ng kanyang ama.
Maging si Pangulong Rodrigo Duterte ay nauna na ring nagsabing ayaw niya kumandidato ang kanyang anak dahil hindi pambabae ang tungkuling Presidente.
Bukod sa NCR, nagkalat na rin sa Bulacan, Rizal, Pangasinan, Cavite, Leyte, Cebu, Iloilo, Davao City, Cagayan de Oro, General Santos City ang mga kaparehong banner at tarpaulin na humihikayat sa alkalde.
- Latest