Magkaibigan na nagre-relax sa dalampasigan, tinodas

MANILA, Philippines — Dead-on-the-spot ang isang magkaibigan matapos na sila ay pagbabarilin habang nagpapahinga sa dalampasigan ng Baseco, Port Area, Maynila, kamakalawa.

Kinilala ang mga nasawi na sina Leif Erickson Parama, 29, bading, residente ng Block 2, Baseco; at isang alyas Jennifer Legazpi, na dayo lamang sa lugar.

Sa ulat, bago naganap ang krimen, alas-3:30 ng hapon sa sea wall ng Block 8, Barangay 649 Zone 68 Baseco ay nagpapahinga ang magkaibigan nang pagbabarilin ng hindi pa kilalang suspek.

Nagtamo ng tama ng bala sa kanang braso, tiyan, kanang hita at dalawa sa likod si Parama habang si Legazpi ay sa kanang tenga na agad nilang ikinasawi.