Kasong homicide ibinasura…
MANILA, Philippines — Ayon sa lumabas na otopsiya na isinagawa ng Philippine National Police Crime Laboratory ay namatay sa natural causes ang flight attendant na si Christine Dacera.
Ayon kay medico legal officer Police Lt. Col. Joseph Palmero, nakasaad sa report na may petsang Enero 11 na isinumite kahapon sa Makati prosecutor na namatay si Dacera dahil sa ruptured aortic aneurysm, na isang medical condition. Lumaki ang puso ni Dacera na tumimbang ng 500 grams samantalang 300 grams lang ang normal na timbang ng puso.
Dagdag pa rito na hindi nagiging sanhi ng aneurysm ang rape o drug overdose.
“Manner of death as homicide is ruled out in Dacera’s case because the aortic aneurysm is considered a medical condition. Rape and/or drug overdose will not result to the development of aneurysms,” ayon sa report.
“Even overdose and ruptured aneurysm are two different conditions and cannot be both included as cause of death of patient,” dagdag pa sa report.
Sa iba namang ulat, nilinaw na asin ang nakitang puting kemikal sa hotel.
Dagdag pa sa medico legal report, na ang “dilatation or aneurysm” sa aorta ni Dacera ay isang “chronic condition” na “started long time ago or maybe years prior to her death.”
“No alcohol or recreational taken the night prior to her death will cause that kind of dilatation or defect on her aorta,” paliwanag pa sa report.
“If she did not die that fateful night, she will still die in any scenario that presents an activity that will increase her blood pressure strong enough to tear that aneurysm.”
Kung sakali namang may makitang droga o alcohol sa katawan ni Dacera, ayon sa report na “incidental finding because even by their absence, rupture can occur if blood pressure shoots up from different strenuous physical activities.”
“Vomiting or retching may also increase blood pressure and trigger the ruptured aneurysm,” saad pa sa ulat.
Lumaki rin umano ang puso ni Dacera kung saan ayon sa ulat na “most probably… due to her chronic hypertension.”