2 probinsya, critical level na sa COVID-19
MANILA, Philippines — Nasa critical level na ang health care utilization sa Davao de Oro at Baguio City.
Ito ang iniulat ni Health Secretary Francisco Duque III kay Pangulong Rodrigo Duterte.
Ayon kay Duque, halos puno na ng mga pasyenteng may COVID-19 ang mga ospital sa mga nabanggit na lugar.
Sinabi rin ni Duque na nasa “high utilization rate” naman ang COVID hospital beds sa Nueva Vizcaya at Agusan del Norte.
Posible aniya na hilingin na magkaroon nang pagbabago sa community quarantine sa mga nabanggit na lugar.
Sinabi rin ni Duque na patuloy na nakikipagtulungan ang health department sa Department of the Interior and Local Government (DILG) at mga kinauukulang local government units para mapigilan ang pagtaas ng bilang ng may COVID-19.
Inaasahang iaanunsiyo ng Pangulo ang mga magiging pagbabago sa mga umiiral na community quarantine para sa buwan ng Pebrero base sa rekomendasyon ng IATF.
- Latest
