DOH: Wala pang local transmission ng UK variant sa Pinas
MANILA, Philippines — Nilinaw ng Department of Health (DOH) sa kabila ng pagdedeklara na may local transmission na sa Bontoc province ng COVID-19 UK variant ay wala pang local transmission sa bansa ng bagong variant ng SARS-CoV-2 o COVID-19.
Ayon kay Dr. Althea de Guzman, Medical Specialist ng DOH Epidemiology Bureau, ang local transmission ay kapag nakapanghawa ang isang local case sa mga nakasalamuha nito.
Pero para matawag aniya na community transmission ay kinakailangan na hindi na ma-trace kung saan nahawa ang isang kaso.
Ayon kay de Guzman, hindi ito ang sitwasyon ngayon sa Bontoc.
Gayunman, kahit aniya anong variant o mutation pa ng COVID-19 ang mayroon ay mahalaga pa rin na panlaban sa virus ang mahigpit na pagsunod sa minimum public health standards gayundin ang striktong obserbasyon ng isolation at quarantine protocols ang tanging paraan para maiwasan ang pagtaas ng bilang ng mga kaso sa bansa.
- Latest