COVID-19 vaccination magsisimula sa Marso — Roque
MANILA, Philippines — Sinabi kahapon ni Presidential spokesperson Harry Roque na maaaring mag-umpisa sa Marso ang pagbabakuna sa Coronavirus Disease 2019 sa Pilipinas.
Ito ay kung darating na sa bansa ang bakuna sa kalagitnaan ng Pebrero.
Ayon sa gobyerno na 10 araw pa ang gagawing inspeksyon ng gobyerno sa darating na bakuna ng Sinovac sa Pebrero 20.
“Baka Marso na kung darating po ng February 20. Pero sana po nga mapabilisan para at least within February, may una na maturukan with Sinovac,” ani Roque.
Muli naman siniguro ni Vaccine czar Secretry Carlito Galvez na darating ang bakuna sa COVID-19 sa Pebrero.
“Ito ay darating po this coming February at sa ngayon po, wala pa po tayong definite kung ano pong vaccine ang mauunang i-employ. But most likely ‘yung Pfizer. We are preparing for Pfizer,” ayon naman kay Galvez.
- Latest
