Mga gumaling sa virus ’wag munang turukan ng bakuna
MANILA, Philippines — Hindi pa dapat na turukan ng bakuna kontra coronavirus disease 2019 (COVID-19) ang mga indibidwal na kagagaling pa lamang o recovering period sa nasabing virus.
Ito ang sinabi ni Dr. Eric Tayag, director IV ng DOH-Knowledge Management and Information Technology Service, na dapat ay maantala muna ang pagbibigay ng COVID-19 vaccine sa loob ng 6 na buwan.
Aniya, susuriin at idadaan sa ebalwasyon ang patakaran sa kabila ng natanggap na impormasyon, at magkakaroon ng mga anunsiyo ukol dito kung maaari pang bigyan ng nasabing bakuna ang mga taong tinamaan na ng COVID-19.
Ayon naman sa Centers for Disease Control and Prevention ng Estados Unidos, ang mga indibidwal na nagkaroon na ng COVID-19 infections at nakarekober ay dapat pa ring mabakunahan ng kontra COVID-19 dahil sa matinding banta sa kalusugan sa nasabing virus na posible pang muling tamaan.
- Latest