Pinas dineklarang ‘bird flu-free’ ng WHO

MANILA, Philippines — Idineklara ng World Health Organization for Animal Health ang Pilipinas na ligtas na sa bird flu o avian influenza virus.

Ayon sa Department of Agriculture (DA), sa loob lamang ng isang taon ay naresolba na ang umusbong na bird flu outbreak sa isang backyard poultry farm sa Pampanga at Rizal.  

Mga buwan ng Hulyo at Agosto noong nakalipas na taon nang unang ma-detect ng Bureau of Animal Industry ang virus na siyang dahilan para magsagawa ang ahensya ng agarang sanitary control at containment operations.   

Sinabi ni Agriculture Sec. William Dar, welcome development ang deklarasyon ng WHO para sa poultry industry ng bansa lalo pa’t ang manok at iba pang poultry products ay malaking source ng protina gaya rin ng karneng baboy at baka na mas mahal ng ‘di hamak ang presyo nito sa mga pamilihan.