Contactless sa Ash Wednesday

MANILA, Philippines — Sa darating na Pebrero 17 na siyang hudyat ng pagsisimula ng panahon ng kuwaresma ay paiiralin ang ‘contactless’ sa isasagawang Ash Wedenesday.

Ito ang sinabi ni Bi­shop Broderick Pabillo, apostolic administrator ng Archdiocese of Manila, na tutugon sila sa kautusan ng Vatican na huwag munang ipahid sa noo ng mga Katoliko ang abo.

Sa halip, ibubudbod ito sa ulo ng mga magsisimba sa Ash Wednesday.

Una na itong isinagawa noong nakaraang taon nang mag-umpisa nang pumasok ang COVID-19 sa Pilipinas.

Dito huhugasan ng pari ang kaniyang mga kamay, magsusuot ng face mask at ipamamahagi ang abo. Ibubudbod na ang abo sa ulo ng mga Katoliko ng walang sinasambit na salita.