Nurses sa private sector sumusuweldo lang ng P10K
MANILA, Philippines — Sa kabila ng sumasabak sa matinding banta ng pandemya sa COVID-19 ay sumusuweldo lamang ng P10,000 kada buwan ang mga nurses at iba pang health workers sa mga pribadong sektor sa bansa.
Ito ang ibinulgar ni 5th District Quezon City Rep. Alfred Vargas kasabay ng pagsusulong na itaas ang suweldo ng mga health workers sa pribadong sektor.
Ang hakbang ay ginawa ng mambabatas matapos na tanggalin na ng pamahalaan ang ban sa deployment sa ibang bansa ng mga nurses at iba pang health care workers.
Si Vargas ay naghain ng House Bill (HB) 7784 o ang Salary Increase for Private Sector Medical Workers Act na naglalayong itaas ang minimum na buwanang suweldo ng mga nurses at iba pang mga medical workers sa mga pribadong sektor na katumbas ng counterpart ng mga ito sa public sector.
Ayon kay Vargas ang suweldo ng mga kawani na mas mataas ang posisyon ay itataas din.
- Latest
