Magdyowa nagulungan ng truck, patay
MANILA, Philippines — Kapwa nasawi noon din ang isang magkasintahan matapos na magulungan ng container van habang magkaangkas sa isang motorsiklo sa Aurora Boulevard, Brgy. Doña Imelda, Quezon City kahapon.
Kinilala ang mga nasawi na sina Dominic Hernandez, 23, residente ng Mandaluyong City at kasintahang si Sancia Geron, 24, ng Punta, Sta. Ana.
Ayon kay Analisa Lucas, ng Brgy. Doña Imelda Health Emergency Response Team, galing Sta. Ana ang mga biktima at papunta sana sa erya ng Cubao, nang araruhin ng isang napakabilis ng takbo na container truck na minamaneho ni Jericho Villarin ang motorsiklong kanilang sinasakyan ng magkasinatahan, alas-12:30 ng tanghali sa kahabaan ng Aurora Boulevard tapat ng isang mall.
Ang suspek ay nasa kustodiya na ng QCPD Traffic 4 para sa pagsasampa ng kasong reckless impridence resulting in homicide at physical injury sa piskalya.
- Latest
