3 timbog sa P26 milyong marijuana
MANILA, Philippines — Tatlong drug suspects ang naaresto ng mga otoridad sa isang buy-bust operation at nasamsam sa kanila ang P26 milyon halaga ng marijuana sa Balintawak, Quezon City.
Ang mga naarestong suspek ay kinilalang sina Dianne Irene Rodriguez Cambalicer, 37; Louie Mark Cuballes Cuerdo, 29; at Angelo Buenaventura Pascual, 22.
Sa ulat, bago naaresto alas-7:40 ng umaga ang mga suspek ng mga tauhan ng Drug Enforcement Group (PDEG) ng Philippine National Police (PNP) sa EDSA, Brgy. Apolonio Samson, Balintawak ay nakatanggap umano ng impormasyon ang pulisya hinggil sa ilegal na aktibidad ng mga suspek.
Kaya’t nagsagawa ng isang buy-bust operation at nagpanggap na buyer ang isang pulis at nang magkaabutan ng items ay agad na inaresto ang tatlong suspek na nakumpiskahan ng 217 bloke ng hinihinalang pinatuyong dahon ng marijuana, na tinatayang nagkakahalaga ng P26,040,000. – Doris Franche
- Latest