DOLE: Naantalang holiday pay at 13th month pay ibigay na
MANILA, Philippines — Nanawagan ang Department of Labor and Employment (DOLE) sa mga pribadong kumpanya na ibigay na ang mga naantalang holiday pay at 13th month pay benefits ng kanilang mga manggagawa bago matapos ang taong ito.
Una nang nagpalabas ang DOLE ng ilang holiday pay rules na nagbigay sa mga pribadong kumpanya ng pagpipilian sa pagpapaliban ng pagbabayad sa mga manggagawa ng kanilang holiday pay hanggang sa oras na humupa ang national emergency kaugnay sa coronavirus disease 2019 at magbalik na sa normal operations ang mga negosyo.
“Employers allowed to defer payment of the holiday pay of their employees as referred herein, are required to pay all covered employees of the deferred holiday pay equivalent to 100% of their daily wage,”saad naman sa Labor Advisory 31.
Sinabi pa ni Labor Secretary Silvestre Bello III na ang pagbibigay ng holiday pay at 13th month pay ay legal na obligasyon ng mga employer na dapat tugunan.
- Latest