2 todas sa salpukan ng 3 motorsiklo
MANILA, Philippines — Dalawa ang nasawi habang limang iba pa ang malubhang nasugatan nang magsalpukan ang tatlong motorsiklo sa barangay road, Barangay Lutucan Malabag, Sariaya, Quezon kamakalawa ng gabi.
Dead on the spot si Joseph Gonzales, 25, binata ng Barangay Montecillo, habang hindi na umabot ng buhay sa ospital si Mico Paulo Javier, 16 ng nasabi ring barangay.
Sa ulat ng pulisya, alas-9:00 ng gabi ay minamaneho ni Gonzales ang isang Yamaha Mio at angkas si Mark Bryan Espiritu patungo sa isang burger kiosk.
Pagsapit sa kurbada ay sumalpok sila sa XRM motorcycle na minamaneho ni Javier at angkas ang 16-anyos na si Joshua Villegas at kapwa sumemplang.
Mabilis naman ang pagdating ng motorsiklo ni Mark Anthony Tolentino at angkas sina Edzel Mayuga at Cris Mark Formalejo kaya’t bumangga rin ito sa mga sumemplang.
- Latest
