Metro Manila ilalagay sa MGCQ pagkatapos ng kapaskuhan
MANILA, Philippines — Posibleng ilagay na sa MGCQ ang Metro Manila pagkatapos ng Kapaskuhan.
Ito ang sinabi ni National Task Force Against COVID-19 chief implementer Secretary Carlito Galvez Jr.
Anya, ayaw ng mga mayors sa Metro Manila na luwagan ang community quarantine ngayong Christmas season upang maiwasan ang pagtaas ng bilang ng may COVID-19.
“At the same time, nag-usap-usap po kami ng mga mayor, talagang very cautious po sila na magkaroon po ng MGCQ dito sa Manila. So ang recommendation po nila ay just in case magkaroon man ng easing of restriction ay maybe next year after the holidays,” ani Galvez.
Sinabi pa ni Galvez na maging si Mayor Sara Duterte ay nais manatili sa general community quarantine (GCQ) ang Davao City ngayong Disyembre.
Nanawagan din si Galvez kay Interior Sec. Eduardo Año na ipaalala sa mga opisyal ng mga local government units (LGUs) na nasa ilalim ng MGCQ na dapat higpitan ng kaunti ang galaw ng mga tao kung kinakailangan.
Mahalaga aniyang sundin pa rin ang tinatawag na minimum health standards ngayong holiday season.
- Latest