Angkas muling aarangkada

MANILA, Philippines — Inihayag ng Department of Transportation (DOTr) na muling aarangkada ang ride-hailing firm Angkas makaraang makatanggap ng go-signal.

Ibinigay na ng Motorcycle Taxi Technical Working Group (MC Taxi TWG) ang Provisional Authority (PA) to Operate sa Angkas para mapalawig ang Motorcycle Taxi Pilot Program.

Valid naman ang provisional authority mula November 24 hanggang December 9, 2020.  

Nilinaw na sakop lamang nito ang Metro Manila operations.

“Once the Angkas is able to fully comply with the requirements, a Certifi­cate of Compliance shall be issued to them by the MC Taxi TWG,” lahad ng DOTr.