2 bebot todas ,6 sugatan sa sunog
MANILA, Philippines — Dalawang babae ang iniulat na nasawi habang nasugatan ang anim na iba pa kabilang ang apat na fire volunteers sa naganap na sunog sa Tramo St., Barangay 43, Pasay City, kahapon ng umaga.
Ang mga nasawi ay kinilalang sina Cindy Navarro, 29; at Lyn Ebona,39, na ang kanilang bangkay ay natagpuan sa gumuhong bahay matapos ang mopping operation.
Batay sa inisyal na ulat na ipinadala sa Southern Police District-Public Information Office (SPD-PIO), nagsimula ang apoy dakong alas-5:47 ng umaga sa inuukupahang ikalawang palapag ng 5-storey apartment ng isang Jockie Joan Libanan, sa No. 1734 Tramo St.
Umakyat sa 2nd alarm ang sunog at idineklarang fire-out alas-7:53 ng umaga na puminsala sa 8-10 kabahayan o nasa 20-30 pamilya at nasa P300-libo ang halaga ng ari-ariang napinsala.
- Latest
