Duterte sa APEC: Walang maiiwan na may COVID-19
MANILA, Philippines — Sa unang virtual APEC (Assoiciation of South East Asian Nation) 2020 Leaders’ Meeting, nais matiyak ni Pangulong Rodrigo Duterte na lahat ng bansa ay makakaahon mula sa COVID-19 pandemic sa pamamagitan ng pagtutulungan ng international community.
“We aim for a comprehensive recovery with no one left behind. This can only be done through deeper engagement with the international community, especially with close partners in the Pacific Rim region,” ani Duterte.
Sinabi rin ni Duterte na ang COVID-19 ang maituturing na “defining challenge” ng kasalukuyang henerasyon.
Ayon pa sa Pangulo ang unang ipinatupad na solusyon ng gobyerno upang mailigtas ang mga buhay ay pahintuin ang ekonomiya.
“Our immediate response was to save lives, even if it meant bringing economic activities to a halt,” ani Duterte.
Hinikayat din ng Pangulo ang APEC member countries na tiyakin na magkakaroon lahat ng access sa COVID-19 vaccine.
Ipinunto pa ng Pangulo na dapat matalo ang virus dahil hindi na ligtas ang lahat. Upang magawa ito aniya, kailangan na mas patatagin ang partnership ng mga bansa para mapakinabangan ng buong mundo ang bakuna.
- Latest
