Mga billboard sa edsa at iba pang lugar binaklas dahil kay ‘Rolly’

MANILA, Philippines — Bunsod nang pagbabanta ng malakas na ha­ngin dala ng bagyong Rolly ay sinimulan na kahapon ang pagbaklas ng mga naglalakihang billboard ads sa kahabaan ng Edsa.

Mula sa bahagi ng Balintawak, Edsa North Avenue hanggang sa Cubao, Ortigas at maging sa C-5 kanto ng Katipunan Avenue ay binaklas na rin batay sa panuntunang ipinatutupad ng Metro Manila Development Authority (MMDA) na kapag may babala ng pagtama ng bagyo ay dapat may pag-iingat sa posibleng pagbagsak nito dahil sa bugso ng malakas na hangin.

Sa latest bulletin ng PAGASA ay lalo pang lumakas ang bagyong Rolly na ang puntirya ay Central Luzon at isa sa posibleng makaranas ng epekto nito ay ang Metro Manila.