3 bangkay, natagpuan sa bangin ng Nueva Vizcaya — Baguio
MANILA, Philippines — Tatlong hindi pa nakikilalang mga bangkay ang natagpuan sa isang bangin ng Nueva Vizcaya-Baguio road sa nasasakupan ng Barangay Pangawan, Kayapa, Nueva Vizcaya, kamakalawa.
Batay sa ulat ng Kayapa PNP, alas-4:30 ng hapon unang nadiskubre ng dalawang estudyante na sina Reniel Lucas, 13, at Dominic Reymundo, 19, ang bangkay ng isang babae at 2 lalake sa bangin na nasa kanang bahagi ng kalsada patungo sa Bocod, Benguet.
Inilarawan ang babaeng biktima na nakasuot ng t-shirt na may denim at asul na short, ang lalake ay nakasuot ng puting t-shirt at green short habang ang isa pa ay nakasuot naman ng asul na t-shirt at itim na short.
Pinaniniwalaan ng pulisya na pinatay sa ibang lugar ang mga biktima bago ito itinapon sa bangin upang iligaw ang pulisya sa pag-iimbestiga.
- Latest