7 doktor, 1 nars ng Fabella Hospital nagpositibo sa COVID-19
MANILA, Philippines — Pitong doctor at isang nars ng Dr. Jose Fabella Memorial Hospital ang nagpositibo sa COVID-19 kaya’t hindi muna sila tumanggap ng pasyente simula kahapon.
“Ipinagbibigay-alam namin sa publiko, lalo na sa mga pasyente namin at sa mga ibang pasyente na nagnanais sanang pumunta ng Fabella Hospital na as of today, Oct. 23, itinitigil muna namin ang admission both ng OB o mga pasyenteng buntis, pati na rin mga bata,” pahayag ni Dr. Diane Cajipe, public information officer ng ospital.
Ang mga nagpositibong medical worker ay kasalukuyang nasa ‘isolation’ na sila at nasa maayos na kundisyon naman dahil sa pawang mga ‘asymptomatic’.
Lumabas ang resulta ng RT-PCR swab test ng mga healthcare employees nitong Huwebes kaya agad nagdesisyon ang pamunuan ng pagamutan na isara ito kahapon para bigyang-daan ang pagsasagawa ng pagtukoy sa kanilang mga nakasalamuha na pasyente at empleyado na isasailalim rin sa swab test.
- Latest