MANILA, Philippines — Kinumpirma ni Caloocan Police Chief Col. Dario Menor na positibo sa COVID-19 ang 13 preso na tumakas sa temporary detention facility sa Caloocan City Police Station kahapon ng umaga.
Kinilala ang mga tumakas na preso na sina: Martin Mama y Kaber, 46; Gerrymar Petilla y Bajar; Hudson Jeng y Reyes, 42; Aldwin Jhoe Espila y Cruz, 25; Reymark Delos Reyes y Balaga, 27; Norbert Alvarez y Bogarin, 35; Mark Oliver Gamutia y Balarma, 21; Jovel Toledo Jr y Cabrera, 27; Arnel Buccat y Salangsang, 19; Raymond Balasa y Fernandez, 35; Reynaldo Bantiling y Novejas, 35; Dunacao Aries, 28; at Tejeros Justine, 22 na pawang dumaan sa rapid antibody tests ngunit kailangan pa rin ng confirmatory RT-PCR test.
Sa kuha sa CCTV, nakita ang pader na binutas sa bahagi ng concrete room na nagsisilbing detention cell ng mga suspek.
Mayroong 31 indibidwal sa loob ng Caloocan City Hall Custodial Facility Unit na nakatakdang ilipat sa Bureau of Jail Management and Penology facilities.
Nagtangkang tumakas ang 15 PDLs ngunit nahuli ang dalawa.
Kasalukuyang isinasagawa ang hot pursuit at iniimbestigahan na ang naturang jail break.