Pagpapakalat ng pulis dodoblehin sa Pasko
MANILA, Philippines — Upang masiguro ang seguridad at kapayapaan sa pagdiriwang ng Kapaskuhan ay dodoblehin ng Philippine National Police (PNP) ang bilang ng ipakakalat na pulis sa darating na Kapaskuhan.
“We will. Automatic na ‘yan but we have to rationalize the deployment of our forces. When we say proper deployment of our forces and resources, kailangan natin ‘yung mga lugar talaga na kailangan ang pulis hindi lang ‘yung basta-basta mo nilagay ang pulis diyan. Dapat alam din ng pulis ang ginagawa niya, ano rin ang hinahanap niya,” wika ni Police General Camilo Pancratius Cascolan.
“You know what Christmas really means. There will be a lot of… there might be an upsurge of criminality or even terrorism. That’s why we need to prepare for all these things,” aniya.
Samantala, balak naman ng PNP na ibigay na lamang ang perang gagamitin sa Christmas party ng hanay sa mga programang makatutulong sa pagsugpo sa COVID-19.
“I am actually contemplating for no Christmas party in the Philippine National Police. They will understand that, instead of using the funds for our Christmas party, we will be giving it out for COVID patients or the COVID fund,” lahad nito.
- Latest
